Koq’ ri che’

De CNB
Saltar a: navegación, buscar
Busca en cnbGuatemala con Google

Antología de cuentos II - identificador en k'iche'.jpg
Selecciona la imagen para ver el original en formato PDF.
Ub’antajik tzij

K'o jun xk’ulmataj jun q’ij pa jun je’l alaj k’iche’laj. Xkimulij kib’ k’i taq che’ rumal tajin kk’is kiwach.

Nabe’ xch’aw le ri’j che’. Are kch’awik, no’jimal xpe uwa’l ub’oq’och, krilo chi k’i taq che’ xeketajik. Xaqxu wi ri kikuta’m kilitaj kiwach. Man kta’ ta kuyb’al mak chech le qanan ulew rumal uketik jun uche’al.

Te k’u ri’ ch’aw jun k’ak’ che’ xub’ij: ¿jasche kb’ison la? Ujk’i na.

-Le ri’j che’ xub’ij: Uj kqaya’ k’aslemal, mu’j, ja’, kachoch awajib’, kqach’ojch’ob’ej le kyaqiq’.

Xkawaj kib’ ri che’ chi uwach le qasanel, xch’a’nir uwach ri juyub’.

Chi ukab’ q’ij xopan le qasanel. K’ate xrilo, xuxij rib’, xuta’ chib’il rib’: ¿jas xkib’an ri che’? Xt’uyi’k, xchoman chirij ri k’axk’olil kub’an chi kech ri che’. K'ate ri’ xkik’ut kib’ le che’. Xkib’ij chech: Xqawaj qib’ rech kchomaj chi nim qab’antajik.

Le qasanel xub’ij chikech: kixinchajij b’a’ xuquje’ kintik k’i iwachi’l rech kixk’yarik. Ri achi xuchomaj chi man utz ta we kuk’is uqasaxik le e che’.

Francisco Lorenzo Chán Ralac
San Andrés Xecul, Totonicapán
Koq’ ri che’-grande.png
Antología de cuentos - cintillo II.jpg