Qe’ tal teky’ Loẍ

De CNB
Saltar a: navegación, buscar
Busca en cnbGuatemala con Google

Antología de cuentos-identificador en mam.png
Antología de cuentos-identificador en mam - horizontal.png
Selecciona la imagen para ver el original en formato PDF.
Tqanil
Selecciona aquí para escuchar el audio del cuento.

Tzalajb’il toj tchwinqlal Loẍ tu’n jun oyaj xi’ tq’o’n nan Li’y te.

Toj tja nan Li’y b’a’npun/txqan eky’ ati. O’kx tkub’ t-ximan nan Li’y tu’n t-xi tq’o’n jun ttxu eky’ te k’wal Loẍ. Tejtzan tb’et ila’ q’ij, xi’ tka’yin Loẍ, ch’o’ltaq eky’.

Okxtzan paqe ch’o’l ex okx q’o’n jwe’laj jos tjaq’. Nim tzalaj Loẍ tu’n ok chi elitz txqan tal eky’.

Tej tpon amb’il tu’n kyjaw tal eky’ xi ojqelin Loẍ ka’yil jte’ tal otaq chi jaw poq’li. Okxtzan tq’o’n tq’ab’ tjaq’ ttxu eky’ ex ekub’ tajlan: jun, kab’, ox, kyaj, jwe’, qaq, wuq, wajxaq, b’elaj, laj, junlaj, ka’b’laj. Ex ok tka’yin Loẍ qa at ox jos minti’ jaw poq’li. Atzun Loẍ xi’ tq’uma’n te nan Li’y, qa minti' otaq chi jaw b’aj kykyaqil jos. Nim tzalaj Loẍ kyi’jqe’ tal eky’ ex b’aj ok tka’yin tu’n kych’iy kykyaqil. Tqanil

Luis Francisco Ramírez Ortiz
San Sebastián, Huehuetenango
Qe’ tal teky’ Loẍ-grande.png
Antología de cuentos-cintillo.png