Antología de cuentos/Cuentos en mam/Okx meb’a toj jaxnaq’tzb’il
At jun tal txin Ẍiẍa tb’i, te kojb’il Tz’ochel te tnam Chna’ te T-xechman. Atzunte’ tnana Ẍiẍa tzaj jun xim toj tanmi, chitzan t-xim lu: Tze’n chinteliye tu’n tokx Ẍiẍa toj jaxnaq’tzb’il tu’ntzun tok te tb’anel xu’j. Nti’ npwaqe ex kyimne ttata Ẍiẍa chitzan te nanb’aj.
Npon amb’il tu’n ttz’ib’et kyb’i k’wal toj jaxnaq’tzb’il, chitzan tnana Ẍiẍa: Waje tu’n tokxa toj jaxnaq’tzb’il tu’n toka te tb’anil xu’j. ¡Nim jaw tzalaj Ẍiẍa! tej t-xi’ tb’i’n qa ok okix toj jaxnaq’tzb’il.
Kub’ tq’aman nana: nti’ npwaqe, ok onela wuk’ile aj tetza toj jaxnaq’tzb’il junjun qale. Ok b’antel ttz’aqona, ikytzanj weye wu’n chitzun te nanb’aj. B’a’n, ok chin onile, chitzun Ẍiẍa.
Tej tokx Ẍiẍa toj jaxnaq’tzb’il, b’ant ex kamb’et xnaq’tzb’il tu’n. Ok tzun q’o’n Ẍiẍa te jun yek’b’il kywitzqe’ txqantl k’wal.
Nab’el: Il ti’j tu’n qokx toj jaxnaq’tzb’il tu’n tten ch’i’ntl qojtzqib’il.
Concepción Tutuapa y San Sebastián H. Huehuetenango
