Editando Nuestro idioma en la escuela/Tz'utujiil/Expresión dinámica (sección)

==Ja najox chi re ja taq tanaaj:== 
#Najob’exi chi ja taq ak’alaa’ nkojtaqiij rutz’ijb’axiik chaqajaa’ rub’ixiik chi paam ja teej tzijob’al, julee’ chik k’aak’a taq na’ooj chi k’o chi nkojtaqiij. 
#Najob’exi chi ja taq ak’alaa’ nkojtaqiij nkeekoj chi paam ja rutz’ijb’axiik k’in rub’ixiik chi paam ja te’eej tzijob’al, ja k’amooj rii’iil kuk’iin chik juulee’ winaqii’ rixiin chik juulee’ tinaamit.
[[Archivo:Nuestro idioma en la escuela - Tz’utujiil hombre y mujer.png|right|105px]]
'''Saamaaj rixiin tijooneel''' 

Tawelisaaj rachib’aal pa ejtz’aaneem ja ti choloon tziij Xe’ Q’apooj kuk’iin ja taq ak’alaa’, utz k’a nunimar keek’u’x chi riij ja nruub’iij chi paam, k’in nkojtaqiij chaqajaa’ netziijoon chi riij kuk’iin taq kachib’iil. 

Utz nekanooj taq kitziyaq ja taq ak’alaa’ ja ne’ejtz’aan chi paam, ja julee’ chik taq kachib’iil, nkeetz’et ja nb’ajni, k’aari nkitz’ijb’aaj ja taq na’ooj nkanaaj kaan kuk’iin. 

Rajawaxiik chaqajaa’ chi nkitzijooj kuk’iin ja taq kachib’iil ja taq naquun utz k’in ma utz ta xkeetz’et chi paam ja ti ejtz’aneem. K’aari’ nkeeya’ rub’ixiik chi re ja tijoxeel.
<center>
<gallery widths=150px heights=150px>
Archivo:Nuestro idioma en la escuela - Tz’utujiil p(131.1).png
Archivo:Nuestro idioma en la escuela - Tz’utujiil p(131.2).png
</gallery>
</center>
[[Archivo:Nuestro idioma en la escuela - Tz’utujiil mujer.png|right|110px]]
'''Q’ijiloon taq tziij'''
 
'''Saamaaj rixiin tijooneel:'''
 
Kaamiik taab’iij chi ke ja taq ak’alaa’ chi ti kitz’ijb’aaj taq q’ijiloon taq tziij, kani’ chi re ruq’ijaal tinaamiit, ruk’asalemaal jun te’eej, chi riij jun ti naquun ja qas nel ruuk’ux chi riij. 
[[Archivo:Nuestro idioma en la escuela - Tz’utujiil hombre y mujer.png|right|105px]]
'''K’utub’al:'''
[[Archivo:Nuestro idioma en la escuela - Tz’utujiil p(159).png|right|230px]]
Ruq’ijloxiik Awan 
<poem>
Xsaqari nimalaj k’asalemaal 
Xsaqari nimalaj ki’kotemaal 
Atat aya’oon qachojq’aaq’ 
Atat natb’iin pa qib’och’iil
 
Rumaal k’aari’ nnuuya’ opoon rutziil awach 
Kokoj k’in nimaq taq awan 
At rixiin pa teew, 
at rixiin pa K’atan 
Saq, kaq, raxwach k’in q’an ixiim 
Xsaqari nuutee’ nutata’. 
Maltiyoox chi re ja qak’asalemaal 
Xsaqari, xsaqari, 

Natqayob’eej ronojeel q’iij pa qoochooch.
</poem>
[[Archivo:Nuestro idioma en la escuela - Tz’utujiil mujer.png|right|110px]]
'''Tijooneel''' 

*Kaamiik ja tijooneel k’o chi neruumol ja taq rutijoxelaa’. Ja rub’eyaal tijooneem kewari’: Ja tijooneel k’o chi nkanooj jun ch’ob’oon tziij k’in nruuya’ chi keewach ja taq ak’alaa’ chi nkinojiij, nkeesol k’in nkeenuk’ ruchomarisaxiik. 

'''K’utub’al'''
 
Ruk’ayemaal pa Tinaamit 

Kaamiik ja qatinaamit Tz’ikin jaay, ntajiini nruutzaq ja rukojiik ja rutziyaq rixiin runimaq’iij. ¿Naq neech’ob’ ixix chi riij chi ma titzajqi ja taq naquun rixiin ja qatinaamit?, ¿Naq nechomarisaani, kaamiik k’atzineel ja taq ena’ooj ixix ak’alaa’?.
[[Archivo:Nuestro idioma en la escuela - Tz’utujiil p(160).png|center|350px]]
'''Chapoj Ch’uu’''' 
[[Archivo:Nuestro idioma en la escuela - Tz’utujiil hombre y mujer.png|right|105px]]
Jun chik ja ruk’ayewaal, q’anij rajawaxiik chi qe, chi nqaatij jun ti ch’uu’. Ja k’a kaamiik netajiini nek’isataji. ¿Naq nqaab’an chi re ruchomarisaxiik awa’ ruk’ayewaal ri’? ¿Naq nepa’e chi ruchomarisaxiik?
[[Archivo:Nuestro idioma en la escuela - Tz’utujiil p(161).png|center|300px]]