Editando Nuestro idioma en la escuela/Q'anjob'al/Expresión oral (sección)

==Q’anej yin kataqwanil==
Yallay koq’anej yin kataqwanil puch yowalil chi oki. Haxka tu’, heb’ unin hoq kam wal yok sti’ heb’ yin koq’anej. Ay oxeb’ tx’oxb’anil ayay yul tx’an un ti’. Chi sje’ k’apax snalay aj juntzanoq xa. Oxeb’ tx’oxb’anil ayayoq ayok sb’i heb’ kaqti’: 

*Naq Lwin yetoq smam. 
*Ix Lusin yetoq stxutx. 
*Heb’ naq kawan unin. 
*Yab’ixal no’ txutx kaxhlan 
{|style="width:100%; margin:1em auto 1em auto;"
|style="border:solid 1px #000; border-radius:10px; width: 85%; padding-left:5px;"|'''Hach maxhtol'''
 
Ha’ het xin tol hoq hiyelteq hanab’al yin oxeb’ tx’oxb’anil '''q’anej yin kataqwanil''' ayay ti’. Hoq hakuy yul het, haxa yet hoq halon sataq heb’ unin man yowalil tol hoq hilaj tx’an sataq heb’. Ta chi hochej chi sje’ k’apax hilon aj tx’an sataq heb’, ma yet chi xa uj yilon aj heb’ tx’an yet, chi sje’ hek’exontanej heyilon aj tx’an, kax chi heyuten junoq mulnajil chi allay ay yul tx’an.
| [[Archivo:Nuestro idioma en la escuela - Chuj enseñando.png|right|105px]]
|}

{|style="width:100%; margin:1em auto 1em auto;"
|style="border:solid 2px; border-color:#f78210; background-color:#ffebd3; border-radius:10px; width: 85%; padding-left:5px;"| '''Hach Kuywom'''

Ha heyet yin jun kuyoj koq’anej ti’ tol hoq hetaynej tzet hoq yun hex skuyon hemaxhtol, kax chi hetaynon heyab’ k’apaxoq. Haxka tu’ hoq hexkuywoq yin tzalojk’ulalil kax hoq pet k’apax kan heyuj. Kax hoq hex ok jelanil heyab’eni k’al heyalon koq’anjob’al.
| [[Archivo:Nuestro idioma en la escuela - Chuj hombre y mujer.png|right|105px]]
|}

'''Q’anej yin kataqwanil –jun-'''
 
Q’anej yin kataqwanil chi q’anlay yet chi q’anjab’ kawan, oxwan ma jaywanoq anima. Hasan xin jun junal chi yal yet jun jun, man smasaniloq chi q’anjab’i. Chi uj yok q’anej yin kawanil tu’ yet chi schahon sb’a anima yul b’e, b’ay txonb’al, b’ay na ma b’aylaq chi scha sb’a anima kax chi q’anjab’i. Yowalil hoqon kuywoq yin q’anej yin kataqwanil ti’, kax hoq jalob’tanej koq’anej, kax hoqon ok jelanil jalon koq’anej. Ha’ nani’ xin hoq jab’ej oxeb’ stx’oxb’anil tzet chi yun yok '''Q’anej yin kataqwanil''' ti’. 

'''Naq Lwin yetoq smam'''
 
Yet jun k’uhalil max toj naq Lwin yetoq smam ihoj yan chej. Yet lanan stoj heb’ yul b’e tu’, kax chi q’anjab’ heb’ haxkati’: 

{|style="width:40%;"
|-
|style="width:30%; line-height:14px;"|
Naq Lwin: 

Cham mamej:

Naq Lwin:

Cham mamej: 

Naq Lwin: 

Cham mamej:

Naq Lwin:

Cham ma mej:

Naq Lwin:

Cham mamej:

Naq Lwin:
|style="width:70%; line-height:14px;"|
-Cha mam, ¿tzet sb’i jun b’e ti’? 

-Sb’ehal kok’ultaq Yich Tenam 

-¿Tzet ay b’ay kok’ultaq tu’? 

-Ay ixim awal, an ub’al, an q’oq’.
 
-¿Tzet junoq xa? 

-Ay k’apax, te’ej. 

¿Tzet chi toj jun b’ay Yich Tenam tu’?
 
-Tol chi toj ji’ jab’oq yan no’ kochej.
 
-¿K’amtom ixim ajan? 

Ta ayxa ixim, hoq kojatx’ kab’oq jet. 

-Hinye xin mam. 
|}
Xhab’ naq Lwin b’ay smam, yet lananxa yapni heb’.
[[Archivo:Nuestro idioma en la escuela - Q'anjob'al p(14).png|center|350px]]
'''Q’anej yin kataqwanil –kab’–'''
 
Q’anej yin kataqwanil chi q’anlay yet chi q’anjab’ kawan, oxwan ma jaywanoq anima. Hasan xin jun junal chi yal yet jun jun, man masaniloq chi q’anjab’i. Chi uj yok q’anej yin kawanil yet chi schahon sb’a anima yul b’e, b’ay txonb’al, b’ay na ma b’aylaq chi scha sb’a anima kax chi q’anjab’i. Yowalil hoqon kuywoq yin q’anej yin kawanil ti’, kax hoq jalotanej koq’anej, kax hoqon ok jelanil jalon koq’anej. Ha nani xin hoq jab’ej junxa stx’oxb’anil tzet chi yun yok '''Q’anej yin kawanil''' chi yiq:
 
'''Ix Lusin yetoq stxutx'''
 
Yet jun k’uhalil max toj ix Lusin yetoq stxutx ihoj a’ej. Yet ayok heb’ b’e kax chi q’anjab’ heb’ kaqti’: 

{|style="width:60%;"
|-
|style="width:20%; line-height:14px;"|
Ix Lusin:

Xal Txutxej:

Ix Lusin:

Xal Txutxej:

Ix Lusin:

Xal Txutxej:

Ix Lusin:

Txutxej:

Ix Lusin:

Txutxej:
 
Ix Lusin:

Txutxej: 
|style="width:80%; line-height:14px;"|



- Txutx, ¿b’ay chon toji? 

- Chon toj iqoj a’ej. 

- ¿Tzet sb’i b’ay con toj tu’? 

- Tzib’laqa’, sb’i. 

- ¿Tzet yuj xan chi yiq Tzib’laqa’? 

- Yuj tol pim an tzib’ stilaq a’ej tu’. 

- ¿Hasan tzib’ ay stilaq ha’ tu’? 

- Ay k’apax te’ k’isb’al, an ch’im, an xumak. 

- ¿Tzet yuj xan ay mimantaq ak’um stilaq ha’? 

- An ak’um tu’, haton an chi toq’onteq snuq’al a’ej.
 
- ¿Asannej ak’um chi sje stz’unlay stilaq a’ej tu’? 

- K’amaq, puch watx’ stz’unlay junan te’laq stilaq ha’. Ha’ yej xin ha’ sxelaq te’ chi mitx’on tx’otx’, haxka tu’ yet chi yaq’on nab’ k’am chi toj jotx’al. Ha’ k’apax yuj sxe’ te’ te’ tu’ k’am chi tanaj ha’ a’ej.  
|}
Kaytu’ max yun sq’anjab’ ix Lusin yetoq stxutx, yet lanan sb’ey heb’ stoji. 
Q’anej yin kataqwanil –oxeb’-
[[Archivo:Nuestro idioma en la escuela - Q'anjob'al p(16).png|center|370px]]
'''Heb´unin''' 

Yet jun k’uhalil max toj kanwan heb’ yalixh unin saqach.. Yet lanan sb’ey heb’, kax chi q’anjab’ heb’ kaqti’: 

{|style="width:60%;"
|-
|style="width:20%; line-height:14px;"|
Naq Exhtep:

Ix Malin: 

Naq Antil:

Ix Ewul:

Naq Exhtep:

Ix Ewul:

Naq Antil: 

Ix Malin:

Naq Exhtep:

Ix Malin: 

Naq Antil: 

Ix Ewul:
|style="width:80%; line-height:14px;"|
¿B’ay chon toqeq saqach? 

-Ha’ waloni, yamita jun saqachb’al yet kuyojb’al. 

-Hasan jun saqachb’al tu’ tol nojnaq k’al junjun k’u (smasanil q’inal). 

Ay k’apax junxa wojtaq.
 
-¿B’aytal chi kan jun hojtaq tu’? 

- Sk’atan kuyb’al chi yiq Jolomk’isis. 

-Jun tu’, wojtaq k’apax hayinti’, xhab’ pax naq Antil. 

-¿chim hon chalay oktoq xin? 

-¿Mantoq chi tojlayi? 

-K’amaqmi. Hayin max hin b’et junel, maj pax kotojlanej. 

-Yel toni, wojtaq k’apaxoq. 

-Toneq xin, tzet pax chi jechb’enej (jechb’anej).
|} 
Xhab’ heb’ unin, yet lanan sb’ey heb’ stoj saqchoq.
 
Q’anej yin kataqwanil –oxeb’–
[[Archivo:Nuestro idioma en la escuela - Q'anjob'al p(18).png|center|350px]]
'''Yab’ixal no’ txutx kaxhlan'''
 
Jun k’uhalilal, yet lanan stxalwi ay jun no’ txutx kaxhlan kax max ilchaj ok jun ixim ssat triwo yuj no’. Xlajwi tu’ kax max sq’anlen no’ b’ay juntzanxa yetb’i: 

*¿Mak chi yal sk’ul chi awon jun ssat triwo ti’ wetoq? 
*Xhab’ no’. 
*K’am chi uj wuj, xhab’ no’ pech. 
*K’am k’apax chi uj wuj, xhab’ no’ tx’i’. 
*K’am chi uj wuj, xhab’ ka’apx no’ ak’atx. 
*Hoqxa hinwatx’nej xin, xhi no’ txutx kaxhlan tu’.
 
Haxa max jay sk’uhal wajay aj ixim sjolom triwo tu’, kax max sq’anlen no’ txutx kaxhlan junelxa: 

*¿Mak chi yal sk’ul chi awon jun ssat triwo ti‘ wetoq? 
*K’am chi uj wuj, max taq’wi no’ pech. 
*K’am chi uj wuj, max taq’wi no’ tx’i’. 
*K’am chi uj wuj, max taq’wi no’ ak’atx. 
*Hoqxa hinwatx’nej xin, xhi pax no’ txutx kaxhlan ti’ junelxa. 

Max ek’k’altoq jayeb’ k’u. No’ txutx kaxhlan xiwil tzet max swatx’nej no’ yetoq ixim triwo masantak’al max ok ixim yin panil yuj no’. 

Axa yet mayal xew smulnaj no’, kax max sq’anlen no’ junelxa.
 
*Maktxel chi yochej chi lohon ixim pan ti’ wetoq? 
*Xhi no’. 
*Ayin, xhi no’ pech. 
*Ayin, xhi no’ tx’i’. 
*Ayin, xhi no’ ak’atx.
 
Smasanil no’ noq’ ti’ max yochej max kolwaj slohon aytoq, palta tol k’ampax jab’oq smulnajil no’ ayok yin. 

No’ txutx kaxhlan, maj kus sk’ul no’ yin yet noq’al. Max slohon aytoq no’ ixim pan stx’oqlil.<ref>(Jun ab’ixal chi yiq '''Yab’ixal no’ txutx kaxhlan''', ha’ ix Eulalia S. Francisco max tz’ib’on aj yul jun mulnajil chi yiq Creación Literaria, Proyecto de Lectoescritura, DIGEBI 2001)</ref>
[[Archivo:Nuestro idioma en la escuela - Q'anjob'al p(20).png|center|370px]]
'''Aq’ob’tanejb’al yib’an Q’anej yin kataqwanil'''
 
#Maxhtol hoq yalob’tanej junel ma kayel oxeloq juntzan stx’oxb’anil '''Q’anej yin kataqwanil ti’'''. 
#Hex unin tol wal chi kam heyab’eni, ha’ yej xin tol yet hoq lajwoq heyab’en tu’ kax hoq heyalon hetx’oqli, tzet max kan heyuj. 
#Ha’ nani’ xin, chi sje’ yalon jun jun yet tzet max kan yuj, chi sje’ yalob’tanej junel ma kayeloq, yin kawantaqil (kataqwanil). 
#Chi sje’ stx’oxlay el sxol heb’ yet kuywomal juntzan '''Q’anej yin kawanil ti’'''. 
#Chi lajwi tu’ chi sje’ skan yiqb’ej heb’ kuywom, sq’anlen b’ay stxutx, smam ma b’ay junoq yuxhtaq ma yanab’, tzet junoqxa '''Q’anej yin kataqwanil''', yojtaq heb’ ma chi sje’ snahon ajoq. 
{|style="width:100%; margin:1em auto 1em auto;"
|style="border:solid 1px #000; border-radius:10px; width: 85%; padding-left:5px;"| '''Hach maxhtol:'''

Hach maxhtol, yet yojtaqxa heb’ unin stz’ib’li, kax chi sje’ stz’ib’on juntzan tx’oxb’anil '''Q’anej yin kataqwanil''' ayay ti’, ma chi sje’ snahon aj heb’ junoq yet, kax chi stz’ib’en k’apax ay heb’.
| [[Archivo:Nuestro idioma en la escuela - Chuj enseñando.png|right|105px]]
|}

Ta manto yojtaqoq heb’ stz’ib’li, watx’ hasannej yalontanen heb’ yul sti’, tzet chi nachaj el yuj heb’ kax chi sje’ sb’onon ay heb’ junoq yechel juntzan stx’oxb’anil Q’anej yin kataqwanil ti’.