Editando Nuestro idioma en la escuela/Popti'/Expresión oral (sección)

==Chab’e hej tzoti’. Hej b’ab’el yijyeb’al==
B’eti’ k’ulmi tato ch’ok ya’ kuywahom skuyu’ nixhtej unin yinh syijyen hej yijyeb’ahil maka hej tzettaj xhla chejlax yub’, ha’ xhalni ta yu smam smi’ yul nhah, maka yul kuyum yu ya’ kuywahom, haxkam yinh ti’ chu yichojpaxikoj skuyni chub’il ay hej tzetet yilal ko yijyeni ta xhchejlax jub’. 
[[Archivo:Nuestro idioma en la escuela - Popti' mujer.png|right|105px]]
B’etet ti’ yetwanoj yeyi ta ya’ kuywahom xhkuyni tet nixhtej unin tzet chu yok stz’isnoj q’alem, maka sto yunuj hunujxa chejab’nile, haxkam haknhetu’ chu stxumnujpaxiloj chub’il ta choche xhkan hej tzetet yul swi’, yilal yab’enojpax tzet xhallax tet.

Yinh hune’ majan munil ti’, sje ta xhjijb’akoj nixhtej unin yub’ hej munil haka’ hej tzetet  ay tzet xchejlax yub’ yu smam smi’ maka yu ya’ kuywahom.  Jila’wejk’anab’ tzet tz’ib’nheb’il sat te’ munilb’al hum. 

'''Chab’e hej tzoti’. Hej b’ab’el yijyeb’al'''
[[Archivo:Nuestro idioma en la escuela - Popti' mujer.png|right|105px]]
'''Smunil ya’ kuywahom:'''

Xax jal sat hune’xa te’ hum, chub’il kaw yilal jichenikoj nixhtej unin yinh syijyen b’oj stxumni hunuj tzet xhchejlax yub’, haxinwal nixhtejalnhe chu yichojikoj stxumnuj yul yab’xub’al, haknhetu’ chu ko kolwahojpax nixhtej unin yinh kuywab’al yul ab’xub’al Popti’. Yuxinto hayonh kuywahomonh ti’ chu ko munla hakti’ la: 

- Sb’ab’elal hex nixhtej unin, oxhimi, haknheti’ xu he sahk’ani, kaw che yab’e ninoj tzet xhwala’an haxkami xhwochehan ta kam che yi’ skuyvbanil hejtzetet yul jab’xub’al. Wal ti’nanh xin, chex to he yi’a’tij hunuj xaj te’ te’ yinhtaj kuyum kat he kutxb’anayoj sat mexha ti’ la.
[[Archivo:Nuestro idioma en la escuela - Popti' mujer.png|right|105px]]
- Chupax ya’ kuywahom skuyni nixhtej unin yinh yilni yum, haxinwal xa hu yichikoj yalni tet kuyumhum ta shaj yum b’ay ay ni’an tzet stz’ib’nhe yet ewi, kat yalni ninoj tzet xhtit yul sk’ul skuy yet ewitu’.

- Chu yalnipax ya’ kuywahom tet nixhtej unin ta xhtoj stx’anhoj sq’ab’ b’ay ay ya’ kuywahom, yutik’a yilni ya’ ta xa hu yab’eni, stxumni b’oj syijyen hunuj tzet xhchejlax yub’.

- Yunhe xin yichikoj nixhtej unin sq’umlansb’a b’oj yaq’b’ilxa nixhtej yetb’i, chu yalnipax ya’ tet hunun mak sje sk’ul ek’ojtoj satajil, kat yokoj yalnoj tet nixhtej yetb’i ta ch’ok yunuj hunuj tzetet, yajtanhe chil ya’ kuywahom ta mat kaw ya’tajoj tzet chal yub’ tet nixhte yetb’i.

- Wal ti’nanh xin, yunhe mach tib’ahiloj yu nixhtej kuyumhum, chu jinitoj yinhtaj kuyum kat ko sajchi b’oj. Chu jalnikan tet xin chub’il yet kuyum yeti’, kat jalnoj tet ta xhto yi’noj hayeb’oj yoj si’, maka ta xhto i’noj hunuj tzetet. 

- Chu jalni tet ta xhto syenoj jet b’aytu’ ay stxulub’al nixhtej ix b’oj winaj unin, xhko q’amb’epax tet b’ay ay ya’ swi’al yekoj yinh kuyum, b’ay ay yaq’b’ilxa heb’ya’ kuywahom ohtajb’ilxa sb’ih yu.

- Chu jalnipax tet mame mi’e ta ch’ok skuynuj nixhtej yuninal yinh hunq’ahan tzetet ti’, haxinwal q’a’ xhkanojkan yul swi’ tzet skuyu, matxa kaw ya’tajoj chab’e’ ya’ kuywahom yinh hakti’ chaltu’.