Editando Nuestro idioma en la escuela/Kaqchikel/Expresión dinámica (sección)

==Runuk’ik paxim tzij== 
[[Archivo:Nuestro idioma en la escuela - Kaqchikel hombre y mujer.png|right|105px]]
''Armar rompecabezas ''

'''Jun etz’anem kik’in tzij'''

'''Rupam ri tijonïk'''

Re etz’anem re’ tikirel nqacha’ kik’in ri ak’wala’ achoj chi rij nqab’än wi: chi kij chikopi’, chi kij wachinäq nqïl chupam ri tijob’äl, chi rij tzyäq, jalajoj chik.

Tikirel nqajunamaj rik’in ri k’utunem najin qaya’ chi kij ri chikopi’.
 
We chi kij ta ri chikopi’ ta:  tikirel yojch’o jub’a’ chi kij ri chikopi’ e k’o pa taq k’ichelaj o pa taq kochoch. 

'''Qarayib’al pa ruwi’ ri samaj chuqa’ ri nqab’än chupam re etz’anem:'''

*tikirel yeqab’än taq tawila’
*nqatojtob’ej yojtz’ib’an, chuqa’ nqanik’oj ri rutz’ib’axik ri qach’ab’äl.
*tikirel chuqa’ nqab’än jalajoj chik taq samaj kik’in achi’el ri etz’anem xa xe rik’in taq tzij.

{| class="wikitable" width="90%" style="margin:1em auto 1em auto" id="Competencia 1"
|-valign="top"
! style="width:20%"| Nab’ey tijoxel 
! style="width:20%"|Ruka’n tijoxel 
! style="width:20%"|Rox  tijoxel 
! style="width:20%"|Rukaj  tijoxel 
! style="width:20%"|Rusolik

|-
|Re tzij re’ ntikïr el rik’in ri tz’ib’: Ü
|Re tzij re’ k’o ka’i’ jap chupam.
|Re tzij re’ ntane’ rik’in ri tz’ib’: L.
|Re ti chiköp re’ k’äs pa juyu’, chi taq jay, nutïj ichaj, b’o’j b’o’j rij.
|Umül

|-
|Re tzij re’ ntikïr el rutz’ib’axik rik’in ri tz’ib’: CH’.
|Re tzij re’ xa xe jun jap k’o chupam.
|Re tzij re’ ntane’ kan rik’in ri tz’ib’: Y
|Re ti chiköp re’ q’eqq’öj rij, k’o chuqa’ kaqo’j. Yetij kuma ri syan.
|Ch’oy

|-
|Re tzij re’ ntikïr el rutz’ib’axik rik’in ri tz’ib’: Tz’.
|Re tzij re  xa xe jun jap k’o chupam.
|Re tzij re’ ntane’ kan rik’in ri tz’ib’: ’.
|Re ti chiköp re’ yalan nkiköt toq yatrutz’ët, chuqa’ ntikïr nb’a’on.
|Tz’i’.

|-
|Re tzij re’ ntikïr el rutz’ib’axik rik’in ri tz’ib’: S.
|Re tzij re  xa xe ka’i’ jap k’o chupam.
|Re tzij re’ ntane’ kan rik’in ri tz’ib’: N
|Ri ti chiköp re’, achi’el ti kuk, yuquyïk ruch’akul, q’anq’öj rij, yerukïj taq qäk’.
|Saqb’ïn.

|-
|Re tzij re’ ntikïr el rutz’ib’axik rik’in ri tz’ib’: Ä.
|Re tzij re  xa xe ka’i’ jap k’o chupam.
|Re tzij re’ ntane’ kan rik’in ri tz’ib’: K’.
|Re ti chiköp re’ nk’ase’ chi taq qochoch, nutïj ixim, chuqa’ nuya’ rusaqmolo’.
|Äk’
|}

[[Archivo:Nuestro idioma en la escuela - Kaqchikel hombre y mujer.png|right|105px]]
'''Samaj richin tijoxela’'''

Wakami k’o chi yeqab’än ka’i’ oxi’ taq molaj a kajkäj tijoxela’ yek’oje’ chupam. 

K’o chi nqab’än jun qawuj achi’el ri nqak’üt chupam  ri kamb’äl tzij richin ri Runuk’ik paxim tzij.  

Chuqa’ xtiqatz’ib’aj ri taq tzij richin ri paxim tzij, rik’in re taq na’oj re’:

{| class="wikitable" width="90%" style="margin:1em auto 1em auto" id="Competencia 1"
|-valign="top"
|style="width:25%"| Ri tz’ib’ ntikïr el ri tzij. 
|style="width:25%"|Janipe’ jap k’o chupam
|style="width:25%"|Ri tz’ib’ ntane’ kan ri tz’ib’.
|style="width:25%"|Rub’ixik achike rub’anikil ri ti chiköp.
|}

Ja re’ k’o chi nqab’ij chi rij ri chiköp k’a ri’ ri molaj ri k’ïy tzij xrïl chi kiwäch ri ch’aqa’ chik taq molaj ja ri’ ri xtich’akon.
Tikirel nqaya’ chi qawäch qonojel achoj chi rij xkojch’o wi, wi chi kij chikopi’, chi rij tzyäq, chi rij winaqi’, jalajoj chik.
[[Archivo:Nuestro idioma en la escuela - Kaqchikel p(171).png|center|300px]]
'''q’ejelonïk ya’oj rutzil ruwäch jun winäq, jun chiköp, jun wachinäq'''
[[Archivo:Nuestro idioma en la escuela - Kaqchikel enseñando.png|right|110px]]
'''Samaj richin ri tijonel:'''
 
Tiqasik’ij re jun k’amb’äl chi kiwäch, chi rij ri ruq’ejelonik richin  ri pach’un tzij: Ri ya’. K’a ri’ tqab’ij chi ke chi achi’el xub’än re ti tijoxel re’, tqab’ana’ chuqa’ röj jun q’ejelonïk chi re jun qach’alal, jun chiköp, jun atuxtäq. Tikitz’ib’aj chuwäch taq wuj, k’a ri’ xkeqatzeqeb’a’ pa qatijonijay.

'''Ri ya’'''
[[Archivo:Nuestro idioma en la escuela - Kaqchikel p(172).png|right|250px]]
<poem>
Ri loq’oläj qaya’ 
Yalan nichoxöx. 
Yalan lo’x, lo’x 
Jeb’ël richin nqokisaj.

K’o kik’aslem ri chikopi’ 
Ri che’, ri q’ayïs 
K’o kik’aslem 
K’o qak’aslem röj winaqi’.

Ri loq’oläj qaya’ 
Yalan lo’x,  lo’x 
K’o qak’aslem röj winaqi’ 
Ri ya’ janila k’atzinel.<ref>Tz’ib’anel: Griselda Cux Pichiya’ Colegio Medalla Milagrosa, Comalapa. Ulanïk kaji’ imox. Festibal Artístico Literario. 2003</ref>
</poem>

<div style="clear:both"></div>