Edición de «Nuestro idioma en la escuela/Q'anjob'al/Expresión dinámica»

{{Navegador DIGEBI 7 sub}}
{{DISPLAYTITLE:Swaq Maqan Tx’al tzet chi uj stz’ib’layi}}
[[Archivo:Nuestro idioma en la escuela - Q'anjob'al p(135).png |right|200px]]
__TOC__
<div style="clear:both"></div>
==Ocheb’al==
#Chi yoqtanej el heb’ unin stz’ib’li k’al yalon sq’anej max skuy yin syalixhal kax chi uj snahona aj juntzanoq xa ak’ nab’alej k’al junoq xa tzet chi yoqtanej eloq yet chi kuywi.
#Chi uj stz’ib’en heb’ unin stz’ibli k’al yalon sq’anej kax chi uj skajay ek’ yin masank’ulal yetoq junoqxa yet animahil.

'''Chi uj stx’oxon heb’ tzet chi yun yok q’anoj ix yet payxa'''

Heb’ unin yowalil chi yojtaqnej el heb’ tzet yaq’on kob’eyb’al yet payxa. Yuj tol ha’ hoq aq’on ok yib’ heb’ yin stx’oxb’anil yul jun yib’an q’inal ti’. Haxka tu’ hoq yojten el heb’ sb’eyb’al skonob’, sb’eyb’al smam yichmam, stxutx ixnam. Ha’ ton juntzan b’eyb’alej tu’ chon tx’oxon el sataq juntzanoqxa konob’ yul Miman Konob’ Xeq’aq’ ti’ k’al yul smasanil yib’an q’inal.

{|style="width:100%; margin:1em auto 1em auto;"
|style="border:solid 2px; border-color:#ffee55; background-color:#fff8c1; border-radius:10px; width: 85%; padding-left:5px;"| '''Hach Kuywom'''

Tol wal chi heyak yin hek’ul jantaq tzet chi yal hemam hetxutx ayex yuj tol jun nab’alej tu’ man tok’aloq chi sna’aj heb’ tol yab’naq kan heb’ tet smam stxutx. Yuj ton tu’ xin yet chach q’anjab’ yetoq heb’ ma yetoq hamam ha txutx ixnam chi haq’anlej el tet heb’ tzet wal chiyun yi’on heb’ komam ixham heb’ kotxutx ixnam smojanil yet tax payxatoq. Watx’ tol hoq hatz’ib’ej yul hun kax hoq hapojon alon yetoq heb’ hetb’i b’ay kuyuj ti’.
| [[Archivo:Nuestro idioma en la escuela - Chuj hombre y mujer.png|right|105px]]
|}

'''Chi uj yok ab’ix yuj heb’ yul ch’en pojom ab’ix'''

Ha yulaq konob’laq q’anjob’al ayaxa juntzan ch’en chi i’ontoq q’anej sxolaq kaq’eq’ kax chi apni ok yulaq te’ na, yulaq yatut konob’ kax chi ab’lay junoq nab’alej junoq ab’ix, junoq b’it, tx’yak’al tzet chi yalel juntzan ch’en tu’ xin. Tuton watx’ pax xin ta chi uj k’apax yalon heb’ kuywom jab’oq yet tzet chi yochej chi yalel juntzan ch’en tu’. Yamita ay jab’oq yob’ lanan yunen yul sk’ultaq, julaq skonob’. Heb’ unin, heb’ q’opoj, heb’ ach’ej ay wal watx’ nab’alej chi uj yalon heb’ sxol smasanil konob’. Ha’ junxa xin ay juntzan ch’entu’ k’am chi yal koq’anej.

Tol kastiya k’al chi yal heb’ anima chi mulnaj yin. Ha’ pax jetanimahil man smasaniloq heb’ yoqtaq kastiya tu’, ma txekel tzet chi yal jun ch’en tu’. Koch tok’al chi txoltxon ay chi yab’ anima man yoqtaqoq kastiya tu’.

{|style="width:100%; margin:1em auto 1em auto;"
|style="border:solid 1px #000; border-radius:10px; width: 85%; padding-left:5px;"| '''Hach maxhtol:'''

Chach q’anjab’ yetoq junoq anima yajawil yet juntzan ch’en pojom ab’ix, pojom q’anej tu’. Yamita chi yochej heb’ chi yaq’ junoq b’eqanil tet heb’ kuywom kax chi yalon el heb’ junoq nab’alej yin q’anjob’al ti’.

Tol hoq haq’an tet heb’ kuywom tu’ kax chi stz’ib’en heb’ snab’al tu’ yin q’anjob’al. Tol wal hoq kam yok mulnajil watx’ yetoq heb’. Man komon q’anejoq hoq toq yal heb’ ta tol chi salay junoq b’eq tet heb’. Watx’ tol hoq ok lajti’ yetoq heb’ smanil kax jun kawan oxwanoq ch’an heb’ hoq q’anjab’oq.
| [[Archivo:Nuestro idioma en la escuela - Chuj enseñando.png|right|105px]]
|}

[[Archivo:Nuestro idioma en la escuela - Q'anjob'al p(137).png |center|300px]]

== Chi uj yok q’anej yuj heb’ kuywom yib’an tzet yun sq’anlay mulnajil. Yin kataqwanil chi uj jun ti’==

'''Tzet chi yun yok txaj yetoq heb’ cham ora'''
Ix Ewul: Chikay matal ay wal jab’ hin q’anleb’al ayach.

Xala Matal: tzet wal chi chwal. Tzet wal chi ohcej chi ab’ekoq.

Ix Ewul: tzet wal chi yun yo txaj yetoq heb’ cham ora?

Xala matal: Tomi ayto wal tzet chi ok juntzan tu nani’ wune’. Tzet xan het hachti’

Ewul. K’amaq xin chikay, tol wal miman yelapnoq juntzan ehb cham ora tu’ yib’an koq’inal xhi hinmaxhtol yuj xan chi wochej chi wab’ok tzet wal yayji ok heb’ cham.

Xala Matal: Hinye xin txutx yekal chin ay wal wonan hetoq kax hoq walon txet yay ok heb’ cham ora tu’ yul koq’inal.

[[Archivo:Nuestro idioma en la escuela - Q'anjob'al p(138).png|left|400px]]
[[Archivo:Nuestro idioma en la escuela - Q'anjob'al p(139).png|right|400px]]
<div style="clear:both"></div>
'''Chi uj stz’ib’chaj ay nab’alej watx’ yoki: chi’q’anej '''

Haxka yet chi chalay sq’inal heb’ txutxej.  Ma yet chi ajel yab’ilal anima.  Tol chi tit wal junoq tzalojk’ulalil yin spixan maktxel chi tz’ib’en tu’.  Yuj tol ha’ yin pixanej tu’ chi alji aj jun q’anej tu’ xan chi yiq chi’q’anej.

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol:'''

Watx’ chi hakuy heb’ kuywom yin stz’ib’chaj juntzan q’anej ti’.  Chi uj k’apax stz’ib’en heb’ yin junoq te’ te’, an xumak, yib’an junoq no’ noq’, yib’an junoq witz ak’al, k’ultaq. Tx’yal k’al tzet yib’an chi uj stz’ib’li heb’ kuywom tu’.  B’ab’el watx’ tol chi tx’oxlay heb’ yin tzet chi yun yok tz’ib’ tu’.  Watx’ k’apax chi al tet heb’ tol yul smasanil q’anej yul yib’an q’inal ti’ tx’yal k’al k’al tzet chi tz’ib’layi.  
| [[Archivo:Nuestro idioma en la escuela - Chuj enseñando.png|right|105px]]
|}

==Tx’oxb’anil==

'''Jun kab’ hin q’anjej b’ay hintxutx'''

Hach txutx miman wal k’ulal chi yala’ Ta tol wal ay b’ay puch max wutej hinb’a ayach chi tit wal yin hink’ul hinq’anon miman k’ulal ayach yuj tol aywal b’ay chi tit jun kusilal yin hink’ul yet najat ayin.  Chi wal wal ayach xin chik tol miman wal chi hutej hak’ul win ta wal ay b’ay maxin ek’wal yib’an. Yuj wal hakamk’ulal ikis wejek’ yul yib’an q’inal ti’.  pal ay mi b’ay maj hin yiqej tzet max al ayin xin.  Hach txutxin chin q’an wal tet cham jajawil yek’ jetoq yin esalil jetoq junjun k’u tol txajib’il wal chach yutej. Tol k’amxa maktxel ay wal skamk’ulalil win hax het tu’.

Yet jun k’uhati’ chi kocha’ jun q’in yin sb’i heb txutxej yul jun konob’ xeq’aq’ ti’ yuj xan chi tz’ib’ej jun kab’ hinq’anej ti’.  Chi hacha’ wal wal xin txutx yuj tol ay wal k’apax jun hinmiman kamk’ulal hin. Tzalojk’ulal hoqab’ hoq ek’ jun k’u ti’ huj xin. 
[[Archivo:Nuestro idioma en la escuela - Q'anjob'al p(141).png|center|300px]]

==Junoqxa tx’oxb’anil==

'''Witz’ Ak’al''' 
<poem>
Tak’al sjolom witz jan mimeq ch’en 
max ab’lay yoq’ mam kaxhlan 
tak’al schon jun miman witz 
max ab’lay sb’il kampanu 
wal nani yet chuman k’u 

Palta man pax ayoq kaxhlan ,
ma kampanu sjolomlaq witz ak’al 
ma sxolaq mimeq ch’en. 
¿Tzetxam jantu’? 

Haton jan txajul witz 
b’ay kajan heb’ Cham 
yajaw yulaq witz ak’al; 
yulaq mimeq na oro xak’al yili, yajaw 
chi ek’jab’ ek’ yib’an icham txuk’ chej. 

Witz ak’al b’ay chi paxkantoq iloj chej [[Archivo:Nuestro idioma en la escuela - Q'anjob'al p(142).png|right|400px]]
aktaqtxel chi stxonkantoq 
spixan sk’exeloq b’eyomal 
sat tx’otx’ tx’otx’ ti’. 

Ha sb’i junan jan witz ak’al tu’kaylaqti’: 
Yaxkanul, Tz’ib’aj, Mimanwitz….. 
Xolaq mimeq te’ ton yilitoq yin, 
titol pax mimeq konob’ yul 
b’ay aykantoq spixan anima masanil q’inal.


:''Gaspar Pedro González'' 
:''Sq’anej Maya’'' 
:''Palabras Mayas, página 36.'' 
:''Yax Te’ Foundation, USA, 1998.''
</poem>

==Chi ok q’anej yinlaq wajanil tzet chi yun swatx’ji ay stxolilal yiqelal==

Ha’ ocheb’al yin jun kuyuj ti’, tol chi tx’oxllay heb’ kuywom yin tzet chi yun yok tz’ib’ yetoq q’anjob’al yib’an smasanil jantaq tzet chi uj stz’ib’lay yin q’anej chi allay yul jun yib’an q’inal ti’.  Ha’ yin koq’anej tol man wal q’ajanoq hon kotz’ib’en smasanil tzet chi kona’ yin koq’anej.  yamita ayxa b’ay chi tz’ib’chaj jayeb’oq ik’ti’ ma ab’ix.  Ma ayxa b’ay chi jil k’apax aj junoq chi’q’anej. 

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol:'''

Chi hal tet heb’ kuywom tol chi swajok sb’a heb’ yin hotaqwanil kax chi sna’on heb’ junoq yiqelal chi yochej heb’ chi jatax elteq yetoq heb’ yetb’i.

Watx’ wal chi yun sna’on heb’ yetoq yetb’i yin hotaqwanil tu’ tzet hoq yun smonton ok heb’ smasanil yetb’i yul jun ab’ilal kuyuj tu’.
| [[Archivo:Nuestro idioma en la escuela - Chuj enseñando.png|right|105px]]
|}

'''Tx’oxb’anil'''

Haxka tzet chi yun yok stxolilal yok mulnajil yet chi k’ischaj snahil kuyuj tu’ 

Chi sik’lay junoq kuywom hoq alon el sxol smasanil heb’ yetb’i yib’an jun yiqelal chi yochej heb’ chi elteq yin iqelal. 

B’ab’el tol chi mulnaj heb’ unin smasanil. K’am tam junoq heb’ man hoq mulnajoq. Tol hoq spoj heb’ mulanil yin. Tol chi ok lajti’ yuj heb’ yib’an jantaq k’uhal hoq mulnaj heb’ yib’an jun jun tzet hoq yun heb’ tu’. 

Tol hoq ek’ heb’ yin jun jun mulnajil yul ab’il.  Chi yal elapnoq xin tol smasanil heb’ hoq k’iswoq, smsanil heb’ hoq tx’ajoj netej.  Yal tzet ta k’a mulanilal chi uj b’ay Yatutal Kuyuj tu’. Tol hoq ok sb’I heb’ yin stxolilal. Hoq sk’exlej heb’ sb’a yilontoq tol smsanil heb’ heb’ chi lunaji, tol chi syieqejtoq heb’ jun iqelal hoq sjatnej aj tu’.

[[Archivo:Nuestro idioma en la escuela - Q'anjob'al p(144).png|center|300px]]

== Chi uj k’apax stz’ib’chaj ay tzet chi yun sjatax lob’ej==

Ha’ wal tzet chi ochejom yetoq junnab’alej ti’ ha’ ton tol chi skuy heb’ unin stz’ib’en ay jantaq tzet yojtaq tzet chi yun swatx’ji ay junoq lob’ej.  Tol chi yil heb’ xin tol chi uj sjatnen ay heb’ junoq un yib’an smasanil jantaq tzet yojtaq yib’an tzet chi yun swatx’ji junoq ixim uk’eja’.  Ma k’al juntzanoqxa chi lolayi. 

{|style="width:100%; margin:1em auto 1em auto;"
|style="border:solid 2px; border-color:#ffee55; background-color:#fff8c1; border-radius:10px; width: 85%; padding-left:5px;"| '''Hach Kuywom'''

Chi hetz’ib’ej tzet chi yun swatx’ji lob’ej yulaq hekonob’ b’ay akajan hex.  Chi hetz’ib’ej tzet tzet chi q’anlayi k’al jantaq yechej junjun skal tu’.  Chi hetz’ib’ej k’apaxo tzet chi yun stxiklayi.
| [[Archivo:Nuestro idioma en la escuela - Chuj hombre y mujer.png|right|105px]]
|}
[[Archivo:Nuestro idioma en la escuela - Q'anjob'al p(146).png|right|300px]]
'''Tx’oxb’anil'''

'''Ixim pat isis'''

Yin junjun patej chi toj junoq ajan ma kab’oj hatak’al ha’ jantaq junjun ixim. 

Chi jutx’lay ixim b’ay ch’en jutx’b’al kawej. 

Chi saylay junoq latzan an sxaq k’ox kax chi tox ixim kawej ajan tu’ yib’an. Xaxoj ch’an chi yun ixim 

Chi toj ixim sat sam. 

Ha’ an k’ox tu’ hoq tz’atoq an kax chi aq’lay meltzaj ixim. 

Wal q’antx’ulinaq xak’al chi yun yelteq ixim. 

Chi uj slolay ixim yetoq kapey ma yetoq an ub’al yin snilkixtaqil hata k’al ha’ tzet hochwan halohon yetoq ixim pat isis tu’.

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol:'''

Chi hakolon heb’ unin tu’ yi’on elteq sb’i jantaq lob’ej chi uj sjatax yulaq konob’ q’anjob’al.
| [[Archivo:Nuestro idioma en la escuela - Chuj enseñando.png|right|105px]]
|}

'''Tx’oxb’al:''' 

Oyom is 

Pat is 

Tx’ix ub’al 

Xep 

Isis tiq’al tan 

Sjolom kalnel 

Tx’ix ub’al

==Chi uj k’apax yi’on elteq heb’ tzetlaq sb’i mulnajil chi uj yet chi jatax junoq mulnajil==

'''Tx’oxb’al'''

aq’in 

chi’b’al 

Jatx’oj 

jotoj is 

jatnej na 

tz’aqoj tx’otx’ 

tenoj son 

sik’oj unin 

jeqoj q’ajil 

josoj te’

{|style="width:100%; margin:1em auto 1em auto;"
|style="border:solid 2px; border-color:#ffee55; background-color:#fff8c1; border-radius:10px; width: 85%; padding-left:5px;"| '''Hach Kuywom'''

Chi hatz’ib’ej tzet pax sb’i maktaq txel chi unen junoq mulnajil.  Chi uj hatz’ib’en yib’an juntzan tx’oxb’al ayay yul tx’an un ti’ kax chi uj k’apax hasayon juntzanoqxa.
| [[Archivo:Nuestro idioma en la escuela - Chuj hombre y mujer.png|right|105px]]
|}

'''Tx’oxb’al''' 

mulnajwom 

jatx’elwom 

jatnom na 

ajalwom 

Chi uj k’apax yallaq yet chi ok jun q’anej '''aj''' sataq q’anej chi halon tzet chi uj tu’.  Hasan xin tol chi yal tol yiqb’ej anima jun Mulnajil chi yun tu’. 

'''Tx’oxb’anil''' 

ajtz’ib’ 

ajti’ 

ajtxaj

==Chi uj k’ax stz’ib’chaj mulanjil yib’an tzet chi yun yok junoq Mulnajil b’ay Yatutal Kuyuj tu==

{|style="width:100%; margin:1em auto 1em auto;"
|style="border:solid 2px; border-color:#ffee55; background-color:#fff8c1; border-radius:10px; width: 85%; padding-left:5px;"| '''Hach Kuywom'''

Chi hewajok heb’ hin kantaqwanil kax chi kam wal henahoni tzet wal watx’ chi hetz’ib’ej yib’an junoq Mulnajil chi heyun b’ay Yatutal kuyoj.
| [[Archivo:Nuestro idioma en la escuela - Chuj hombre y mujer.png|right|105px]]
|}
[[Archivo:Nuestro idioma en la escuela - Q'anjob'al p(149).png|right|200px]]
'''Tx’oxb’anil'''

Tol hoq watxjoq junoq k’ub’eb’al un. 

B’ab’el tol hoq tz’ib’chaj junoq un yib’an tzet hoq yun yok mulnajil tu’. 

Skab’ hoq saylay stuminal Yox hoq saylay tx’an un tu’ Tol hoq saylay mak hoq ilontoq jun k’ub’eb’al un tu’. 

Ta k’am wal mak yoqtaq tzet chi yun jun mulnajil tu’ chi illay tzet chi yun skuylayi. 

Hoq kuylay heb’ kuywom tzet chi yun sq’anlay jun k’ub’b’eb’al un tu’.
<div style="clear:both"></div>

==Chi uj stz’ib’chaj smananil tzet yin q’anjob’al haxka jataq tzet yetal ya’taq snub’layi.  K’ayub’taq q’anej, tzet chi nalay eloq, q’anej watx’ xak’al yoki==

'''Tx’oxb’anil''' 

'''Na’ejb’al'''

Na’eq  pax el xin [[Archivo:Nuestro idioma en la escuela - Q'anjob'al p(151).png|right|300px]]

Chi ok sq’al yet chi ok aq’b’al. (taj) 

Chi k’ach’i el kolob’ej yuj (Atz’am) 

Chi tzelab’i yet aq’b’alil (ch’en waykan) 

'''Ya’taq snub’layi'''

Kayti’ chi allay tol chi uj snub’en ay heb’ kuywom tzet yetal b’ikixhtaq yayji.  Watx’ xin tol chi sna’el heb’ tzet wal chi yun snub’chaj ay juntzan tzet yetal saqlemenaq yayji tu’.  Ha’ kayti tol jit’q’anej chi nublay ayoq.

'''Tx’oxb’anil''' 

Chi jileq xin tol ay  q’anej tz’ib’eb’il kax max somchajtoq yowalil xin tol hoq snub’ay heb’ unin.

==Chi sjatnej ay jun yechel skonob’ kax chi stz’ib’en ay sb’i smasanil k’ultaq yin q’anjob’al==

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol:'''

Chi hakol heb’ kuywom stz’ib’en ay sb’i smasanil jantaq k’ultaq ay yul konob’ b’ay kajan heb’. Watx’ k’ax mi chi stz’ib’ej heb’ sb’i jantaq tzet yok k’al sb’i janoqxa k’ultaq yoqtaq.

Watx’ k’apax xin chi stz’ib’ej heb’ sb’i jantaq witz yoqtaq. Watx’ wal chi yun halon tet heb’ kuywom kax chi stz’ib’en ay sb’i jantaq k’ukltaq yoqtaq tu’. 
| [[Archivo:Nuestro idioma en la escuela - Chuj enseñando.png|right|105px]]
|} 
[[Archivo:Nuestro idioma en la escuela - Q'anjob'al p(153).png|right|300px]]
'''Tx’oxb’anil'''

(haxka b’ay tz’uluma’ tix ton juntzan b’i’ej ti’)

{|style="width:50%;"
|-
|style="width:50%;"|
Yul ch’en 

Sti’ Ha’ Poq 

Snan Konob’ 

Sjolom Max 

Sne Najab’ 

Pajaltaq 

Sjolom Witz Wachuna’ 

Yich Tenam

|style="width:50%;"|
Yin K’u 

Yul K’u 

Suyil 

Miman Witz 

Tz’ib’aj 

Chumajte’ 

Yaxkalamte’ 

Tz’uqan ka’
|}

== Chi tz’ib’chaj ok sb’i smasanil tzet ayotoq yul yatut kuyuj ==

Tol wal yowalil tol chi tz’ib’chaj ok sb’i smasanil tzet ay yul yatut kuyuj.  Chij stz’ib’ej heb’ yin watx’ jantaq tzet ya yul yatut kuyuj. 

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol:'''

Chi hal tet heb’ kuywom tol stz’ib’ej heb’ sb’i smasanil jantaq tzet ay yul yatutal kuyuj.  Chi ok sb’i smasanil tzet chi sq’an heb’.  Chi uj stz’ib’en heb’ yul yun ma yinlaq mimeq sxaq un, ma yin te’ chemte’tz’ib’.
| [[Archivo:Nuestro idioma en la escuela - Chuj enseñando.png|right|105px]]
|}

'''Tx’oxb’al''' 

Kuyuj b’ab’el abíl 

Kuyuj skab’ ab’il 

Kuyuj yox ab’il 

Kuyuj chemb’al tz’ib’ 

Txuljub’al 

Yajawil Yatut Kuyuj 

Txonb’al 

K’ub’eb’al un 

Yamaq’il saqach xilil 

Unej 

Tz’ib’b’al 

Tz’ib’b’l yet b’on
 
Unin

==Chi uj k’apax stz’ib’chaj tzet mayal max ek’toq yib’an kokonob’==

Chi uj stz’ib’chaj jantaq tzet chi mayal max ek’toq haxla swatx’ilal ma jantaq tzet syataqil k’al tzet b’ay max yil heb’ jetkonob’al syataqil.  Chi uj k’apax stz’b’lay sq’inal anima.  Haxka sq’ina heb’ mamej txutxej ma mami cham txutx ixnam.

'''Tx’oxb’anil'''

Tol chi ok junoq tx’oxb’al yib’an tzet max yun yek’toq jun owal koxol

Yet tax payaxatoq max ek’toq jun owal koxol Asan xin man hon naq max konna’ajoq Tol max jayok koxol. 

Yet tu’ puch wal ay xiwilal max ok yulaq na Yulaq k’ultaq Sxol smasanil konob’ Heb’ unin puch wal chi xiw heb’. Yichlaq ch’olan chi yeb’ej oktoq heb’ sb’a Toxak’al chi lob’lon oktoq heb’ yuj xiwilal.

Ay anima max b’et elteq yul yatut Max b’et elteq yet aq’ab’alil K’am tam maktxel chi kolwaji Tok’al chi yab’ konob’ yel weq’eq’oj yaw anima Tok’al chi yab’ heb’ yoq’ anima Heb’ unin tol wal chi aj weqnaq heb’ yoq’i K’am tam mak chi aj sti’ K’am tam mak chi alon koyataqil Puch wal max yil konob’ syataqil Ha’ nani’ toxak’al chi konateq Til xanej kusilal chi jay yin kopixan.

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol:'''

Chi hal tet heb’ kuywom tol kam snahonteq junoq sawatx’ilal max ek’toq yib’an kax stz’ib’en ay heb’ yul yun.  Chi uj k’apax snahonteq heb’ tzet junoq tzet max ek’toq yib’an smam stxutx.  
| [[Archivo:Nuestro idioma en la escuela - Chuj enseñando.png|right|105px]]
|}

==Yilb’anil mulnajil==

Mayal wal lajwi kuyuj yul tx’an un ti’.  Yuj tu’ xin tol wal chi ok pax junoq mulnajil b’ay chi uj sq’anlay samanil tzet max kuychaji.  Juntzan nab’alej ayay ti’ tok’al chi kolwaj jab’oj tzet chi yun yok q’anej, tzet chi yun yok ilej un k’al tzet chi yun yok tz’ib’ yin q’anjob’al.  Yin jun jun maqan tzet mayal max kuychaj ti’ tok’al chi yal ayon tol tx’al tzet chi yun yok mulnajil yetoq heb’ kuywom kax chi jelay el heb’ sq’anon sti’ Q’anjb’al.  Yuj tu’ xin hach maxhtol chi ilpaxtoq juntzan nab’alej hoq aq’lay sataqtoq ti’. 

==B’ab’el Maqnil==
Alab’al Q’anej yin kannuq’ejal 

¿Tzet pax yaq’on chi hila’?, ¿ tzet chi yun sq’anjab’ heb’ unin tu’?  ¿k’am mi chi tub’kon heb’ heb yet chi q’anajb’ heb’ yetoq juntzanoqxa yetb’il?  Watx’ mi xin tol chi hekayek’nej jun kuyuj ti’.  Tol chi uj sq’anajb’ heb’ kuywom yin watx’ yin sti’ Q’anjob’al.   Chi uj swaon hok heb’ sba’ yin hotaqwanil kax chi k’oli sq’anjab’ heb’ yib’an tzet chi skuy yul jun ab’il ti’, ¿tzet watx’ chi yuil heb’? ¿tzet k’am wal chi ajapnoq yin watx’il chi yil heb’? 

==Skab’ Maqan==

Txolil q’anej 

Watx’ pax chi hil xin ta tol jelan heb’ yalon q’anej yin jun jun tzet chi watx’ji ma tzet chi uji.  Haxka sb’i mulnajil, sb’i pichilej, sb’i jun jun tzet ayok yin mimanilej.  Tx’yal wal tzet chi uj skuychaj kayti’.  Ha’ ton wal yaloni k’al tzet chi yun stz’ib’chaji.  Watx’ xin tol chi stz’ib’ej heb’ yul yun ma chi uj k’apax yok jun saqach yin mak chi uj stz’ib’en mimantaq q’anej yin junoq mochanil q’anej chi haq’an tet heb’ kuywom. 

== Yox Maqanil ==

Yel yich skuychaj stxolil koti’ Q’anjob’al 

Hach maxhtol tol wal chi kam hiloni ta max jelay el heb’ kuywom stz’ib’en sti’ haxka  yalon stxolilal yok tz’ib’ yin q’anjob’al.  Ha’ tzet hoq yun hiloni ta yojtaqxa heb’ stz’ib’li chi haq’an tet heb’ tol chi stz’ib’ej heb’ juynoq xaq unal yib’an ik’t’, q’inalej, b’it’, chi’ q’anjej, ma k’al junoqxa tzet chi hal tet heb’.  Hoq kam hiloni ta watx’ wal max yun stz’Ib’en ay heb’. 

==Skan Maqan==

Iloj aj un -chi el nab’alej yib’an iloj un Haxh maxhtol haxka jun mulnajil mayal max uj yin yilb’ajnil jun yox maqanil chi uj k’al sq’anlay tzet max tz’ib’chaj tu’ kax ha’ pax kayti’ chi yilaj heb’.  Watx’ mi ta chi sk’exlej heb’ yun kax tx’oqtx’oq maktxel chi ilon aj tx’an un tu’. Chi lajwi chi yalon el heb’ sxol yetb’I tzet wal snab’al chi elok yin tzet max yilaj tu’.  Chi uj sq’anlay junoqxa un tz’ib’ yayji yin q’anjob’al ta ay yul b’ay chi ok kuywoj tu’. 

==So’ Maqan==

Tz’ib’  -tz’ib’ yib’an nab’alej. 

Ha’ jun maqan mulnajil ti’ max yala’ tol chi uj stz’ib’chaj smasanil jantaq watx’ q’anej chi nalayi.  Ay jun q’anej chi yiq chi’q’anej tuton wal watx’axak’al yallayi, ma watx’xa k’al yillay ajoq.  Chi uj k’apax snalay aj b’it kax chi tz’ib’chaj kanoq.  Hach maxhtol tuto watx’ pax xin ta tol chi hasay hila’ ta wal max Kankan yuj yuj heb’ kuywom jantaq juntzan Kuyuj max ok yib’an tz’ib’ ti’.   Watx’ xin ta tol chi haq’an tet heb’ kuywom tol chi stz’ib’ej heb’ junoq snab’al yin jun tzet chi jay yul sjolom heb’.  Haxka yib’an awtz’un, yib’an no’ noq’ lanan ska’ayeloq, yib’an te’ te’, yib’an Waykan, yib’ansqinal anima haxka smam icham stxutx ixnam, yib’an sk’ultq, yib’an mimeq witz, yib’an jantaq b’eyb’balej, puch wal tx’yal tzet chi uj yok tz’ib’ yin xin.  Yet chi lajwi stz’ib’en ay heb’ chi yilaj heb’ sataq yetb’i.  Manchaq halt et heb’ ta tol hoq yilaj heb’ sataq yetb’I tu’ yinxa yintaqil hoq halt et heb’. 

==Swaq Maqan==

Tx’al tzet chi uj stz’ib’layi

Ha’ yin jun swaq maqan Kuyuj ti’ ocheb’il tol chi stz’bej heb’ kuywom jantaq tzet chi uj yul kowalilal kax katu’ chi yun sch’ib’ kob’eyb’al ma kaytu’ chi yun hon stx’oxon el sataq junoqxa kokonob’.  Watx’ mi xin ta chi stz’ib’ej heb’ kuywom junoq tx’oxwal haxka tzet chi yun sq’anlay junoq ix alib’ej, tzet chi yun schalay yoxq’in unin tolto max alji, haxka tzet chi yun yok q’in b’ay jun jun konob’ Q’anjob’al.  Tzet stxolila chi yun schemlay no’ txowej ma no’ lopilej.  Chi uj k’apax stz’ib’en heb’ tzet chi yun skawxi junoq lob’ej, junoq uk’eja’.  Tzet chi yun yuk’lay anb’al, tol watx chi tz’ib’chaj yin un kax chi kankan jantaq tzet yoqtaq heb’ cham icham winaq ma ixnnamil ix.

{|style="width:100%;"
|style="border:solid 1px #000; border-radius:10px; margin:2% auto 3% auto; width: 85%; padding-left:5px;"| '''Hach maxhtol hex kuywom:'''

Watx’ xin ta tol max lajwi jun kuyuj ti’ heyuju yetoq heb’ kuywom ma yeto heb’ hetb’i, watx’ k’apax mi ta tol chi uj hatz’ib’en junoq hanab’al yib’an tx’an un ti’. B’aytet tzet watx’ max hila’, kax chi halon k’apaxoq tzet wal man watx’oq yayji ok chi hila’.  Haxka tu’ hoq uj swatx’ji ok yin junoqxa tx’an hoq elteq sataqtoq ti’.  Chi uj halontoq tet DIGEBI ma tet heb’ cham max tz’ib’en tx’an un ti’.  Ha’ pax yet max el yich tx’an un ti’ ha’ tu’ tz’ib’ yayji ok sb’i heb’.
| [[Archivo:Nuestro idioma en la escuela - Chuj enseñando.png|right|105px]]
|}

==Ak’q’anej==

[[Categoría:Comunicación y Lenguaje]][[Categoría:Educación Bilingüe]][[Category:Book:Nuestro_idioma_en_la_escuela_-_Q'anjob'al]]